.. بســم الله الرحمن الــرحيم ..
بهالبوست رح نكمل الجزء الثاني من مشتريات الدرق ستور
بالبوست الاول ادري الاسعار مو دقيقه بس والله حاولت احتفظ ع الفواتير بس لانو حويس واغراض كثييير وشناط رايحه وشناط جايه ما لقيت الفواتير :(
بس الي يعرف الاسعار الدقيقة تقدر تعدلي بالانستقرام ..
المهم انو كل الي بنزله بالهالبوست متاكده من اسعاره لاني لقيت فاتورتهم :)
كلنا نعرف ارواج ريميل مجموعة كيت موس وبما انو داخلين فترة شتاء
والالوان الغامقة ضرورية هالفترة شفت هالون ووقعت بغرامه درجته تشوووق
رح احطها لكم بالانستقرام ان شاء الله تكون واضحة ..
خذيته من سنتربوينت بحدود 39 ريال
ثلاث ارواج من كراجا اول مرره اجرب هالماركة شكلها جذبني
واخذت ثلاثه من الحمااس وكلهم مات ..
وهذولي الوانهم مو واضحين رح انزل سواتشات عنهم بالانستقرام
عشان تشوفوا الوانهم واضحيين الكورنر حقهم موجود بسنتربوينت
اخذتهم بـ 31 ريال الواحد ..
وهــذي درجاتهم صورتها لكم :)..
الروج الي بكجه مثل الب قلاس من برجوا كثثثير نااس مدحوه وكثير بلوقر شروه حتى باليوتيوب
ماعجبتني الالوان الي كانت موجوده اخذت بس ذا مع اني كنت متحمسه
واكتشفت انو مو كل الالوان موجوده عندنا اصلا ماتنزل :(
اخذته من سنتربوينت بـ 60 ريال ..
نجي للمناكير هذا الون ثالث مره اشتريه كل ما شفته اخذتته
حبييييته مره ونزلت صوره ليدي بالانستقرام وانا حاطته وكثير منكم سالوني عنه
من برجوا مجموعة 1 seconde
اخذته من صيدلية بوتس بـ 31 ريال
هذا لون ثاني من نفس المجموعه لحمي ع بنك لونه جميييل
وناويه ع العودي بس ما لقتيه :(
مناكير ريميل ماقد جربتهم بس جذبني هالون وردي حلوو
من مجموعة صالون برو
من سنتربوينت بـ 20 ريال ..
بناااات هالون شفته دخخخت عنده :‘‘‘)
توتي ع عنباي مدري كيف بس يخقق من ريفلون ما قد جربت مناكيرهم
ريحتها تجنننن ودك بس تشميهاا
اخذته من سنتربوينت بحدود 30 ريال
اول مرره اجرب مناكير ايسس الون غريب وجمييل مووف غامق
فيه شوي قلتر اخذته 10 ريال من رد تاغ
هالون من فلورمار جت فتره معد لقيته انقرررض
ولقيته بكشك نفس الماركه بحراء واخذت الي موجود منه كلهم ههههههههه
الحبه بـ 10 ريال
وهذا لون احمر فاتح اول مره اخذ مثل هالون بس عجبني وقلت خليني اجربه
كمان بعشره
واخر شغله وهيا كمان مناكير من ريميل نقطططه صغييير مره
عاد لا تسالوني ليش هالون والله مدري ليش اخذته
بـ بعشره ريال من سيتي ماكس
وبس هذا نهاية البوست ادري كثرت مناكير بس وش اسووي ادمان والله المستعان
ان شاء الله اكون كتبت كل شيء
اي سوال حابين تسالوني هوا تقدروا تكتبوه هنا او بالانستقرام :)
فمأن الله ..
Instagram : Rbanzal
ليست هناك تعليقات:
إرسال تعليق