سوا نتجهز للجامعة :)

بسم الله الرحمن الرحيم 

ولانو الموضوع جاء ببالي امس مرح يكون فيه شيء من تصويري 

بس ان شاء الله يكون مفييد 

رح نتكلم عن التجهيز للجامعة بتكلم عن تجهيزي الشخصي بما اني طالبة سنة تحضيرية 

اول شغلة الله يوفق الجميع وكل الي انقبلوا مبروك لهم والي صارت لهم ظروف 

لا تيئسين وتقفل الدنيا بوجهك بالعكس استغلي سنتك الجايه باشياء تفيدك لسنه الي بعدها 

واهم الاشياء الي اوصي فيها كل البنات خذيلك دورة انجليزي بمعهد محترم وشهادته موثوقة منها تقوي لغتك وما تضيعي وقتك وتفيدي نفسك بوظيفتك بعدين لانو اغلب الوظايف عندنا صارو يطلبوا شهادة دورة انجليزي وحاسب فلا تضيعي وقتك واعتبريها فرصة وجات لحد عندك :)

انا الحمدلله انقبلت انتظام وتخصصي الي تمنيته الحمدلله بعد ما يطلع القبول خلاص الواحد يرتاح نبدى بقلق التجهيز وانها مرحلة جديده بحياتنا ومكان اكبر وعالم اكثر وبنات من كل مكان 

اول شيء وقبل كل شيء حطي ببالك انو الجامعة مو وناسه وفلله بس الجامعة هيا طريقك لمستقبلك وهيا حياتك الجاية قبولك ما يعتبر شيء قدام الطريق الي بتمشينه حنا بس البداية 

وكمان حطي ببالك انو انا برضي ربي قبل كل شيء وارضي امي وابوي الي تعبوا معاااي فيه بنات كثير عندهم اعتقاد انو الجامعة فلله ووناسه بس 

ادرسي واجتهدي واحرصي ع درجاتك وكمان انبسطي بس لا تضيعين ابدا دراستك عشان الوناسه مع البنات 

نظام الجامعة يختلف عن الثانوية بالجاممعة محد يطارد وراك عشان درجات ولا اختبار ولا واجب لا انتي تدورين ع كل شيء انتي الي تسلمين بحوثك وانتي الي تشوفين وقت المحاضرة وتدخلين لها وتدورين قاعتها انتي الي تثبتين نفسك بين عدد كبير مافي شيء اسمه جرس الحصه ولا تحسين اختبار ولا تعديلي هالبحث ولا هالواجب اعرفي انو من اول محاضرة الدكتوره رح تبدى تكون فكره عنك وانتي بيدك كل شيء 

كمان شيء مهم بنات الجامعة مو زي صحباتك بالثانوي عشتوا فترة طويله مع بعض لا تكوني هبله لا تماشين اي احد ولا تثقين باي احد كتبك ملازمك انتي مسولة عنها تضيع تاخذها وحده ومعد تشوفينها بوكك يطير ويختفي كله هذا لازم تكونين مصحصحه له حطي ببالك انك بتقابلين ناس مو زي طبعك 

مرح اقدر اتكلم باشياء تخص الجامعة اككثر لانو الانظمة تختلف من جامعة لجامعة فخلونا نروح لتجهيز الحين 

 اول شيء تسوينه قبل لا تنزلين السوق تعرفين نظام جامعتك 

اسالي اقاربك او صحباتك الي درسوا قبلك بنفس الجامعة الي انقبلتي فيها البس المسموح والالوان المسموحة عشان تحطي ببالك تشتري ايش وتبتعدي عن ايش وهل تحطي مكياج او لا وهل هيا مباني او انك مرح تضطري تطلعي بشمس وكذا 

كمان لازم تكوني حاطه ببالك جو المدينة الي انتي عايشة فيها مرح اقولك جوها لسنه كلها لا لاول شهر بالجامعة 

لاني افضل الوحده تشتري لاول شهر او لاول اسبوعين بعدين ترجع تنزل السوق عشان تشوفين البنات ايش الي دارج وايش الي مميز وكمان عشان تعرفي اسلوبك وايش الاستايل الي تحسينه يناسبك بالجامعة 

الحين بعد ما عرفت النظام والشغلات المهمه نجي لايش نشتري خذيلك ورقه وصنفي طلباتك رح اقلكم طريقتي 

انا اول شيء كتبت ايش بحتاج بشكل عام من كل شيء 

يعني ملابس - صيدلية - قرطاسية - اكسسورات الي هيا الشنطه والشوز وعباية وشغلات الشعر وكذا
بعدها حددي الاماكن او المولات الي بتروحيها وايش المحلات الي رح تدخليها وممكن تلاقي عندهم الي تحتاجيه 

قبل لا تكتبي اي شيء احسبي ميزانيتك شوفي انتي كم بين يدينك مبلغ واعرفي كل جزء كم يبغاله بشكل تقريبي 

لازم تسوي هالخطوه عشان لا تروحين تقشين وتكتشفين انو فلوسك خلصت وانتي ما اخذتي كل اساسياتك 

كمان حطي القطع الاساسيه بكل قسم بتقسيمتك ورح اوريكم كيف 

طبعا بعد ما تخلصين منها كلها خذيلك نوت صغير واكتبي كل شيء رسيتي عليه وحطيها بشنطتك الي بتاخذينها معاك 

وبعد ما تطلعي من اي محل شيكي عليه والي خلصتيه اعملي جنبه تشيك بكذا رح تعرفي انتي ايش اخذتي وايش باقي عليك

وتراه احساس ممتع وانتي تخلصين الي تحتاجين وتشخبطي عليه ههههههههههههههههه 

اول قطعه مهمه هيا التنوره اغلب جامعات المملكة ما تقبل الا التنوره وبعضها عادي اي لبس مثل جامعة الملك عبدالعزيز بجده 

بس الاغلب السكيرت هيا اللبس النظامي 

الالوان الاساسيه هيا الاسود والكحلي والرمادي وفيه جامعات عادي اي لون بس احس الالوان ذي هيا الي تنفع بالاغلب وتقدري من فترة لفتره تلبسي لون فرايحي 

فيه بنات يشترون جاهز وفيه الي يفصل انا عني اسوي اثنتين بس اهم شيء تكون مريحه وقماشها يكرف معاك حتى لو تحطين فيها مبلغ شوي غالي بس تضمنين انها بتكرف معاك السنه كلها تلاقينها بمحلات كثير زي مانجو زارا اتش اند ام وبكل المحلات تقريبا وفيه محلات عاديه تجيب كمان وتكون زينه 

الموديلات احس الجامعه ما يبغالها موديل وسالفه اما تكون استرتش واقف وحلو ع الجسم او ماسك بطريقة مرتبه وبعضها تكون شوي ع قصير مو مرره وفيه الي تجيك واسعه او مكسره كل وحده تاخذ الي يناسبها ويطلع شكلها مرتب مو زحمه 

الجاكيتات الرسمية الي هيا جاكيتات البوي فريند اشوفها لسى دارجة والحين طاحو بالي قماشها مورد او منقش
بس احس يناسب للجامعة الالوان الساده وتقدروا تضيفوا معاها سكارف او اكسسورات وكذا ويكون شكلها لطيف 

            خذيلك لون تحسي ماشي مع اغلب ملابسك والبسيه ع تي شيرتات او بدي  
                          
                        

                               

الجاكيت الجينز والبلايز الجينز الي ماركات كثير نزلت منها واضافوا عليها قطع قماش للحين دارجه وبكثره
الحلو فيها تقدري تضيفي اكسسورات تقفليها او تفتحيها وتلبسي تحتها تي شيرت الحلو انك تقدري تغيري باستخدام هالقطعه

الكارديغان بنسبه لي من القطع المهمه فيه منها الخفيف لصيف مثل الصور الي فوق 

ومنها الي ثقيل مثل الي تحت لايام البرد شكلها جدااً يعجبني وتقدري تضيفي عليها حزام او اكسسوار او سكارف 

القمصان قطعه حلوه ااذا عرفتي تختارين حلوه حق التغيير بين فتره وفتره وتنفع كثيير بالصيف والجووو حااار خذي قمصان فيها شغلات مميزه بس تكون بسيطه

كذا قلت اغلب القطه الاساسية كمان ايام البرد البلوفرات حلوه مثل بلوفرات بول اند بير وبلوفرات اديداس حلوه وعمليه وتدفي
زي ما قلتلك خذي قطعه من كل شيء تحسينه اساسي عندك وشوفي بعد ما تداومي ايش يلفتك اكثر مرح تتاكدي من استايلك بالجامعه حتى تداومي فيها

نجي لشناط بنسبه لي الشناط بذات عادي تقطين فيهاااا مبلغ وتشتري ماركه زينه وتكرفينها السنه كلها
لا تقوليلي ما بحط فيها مبلغ والتقليد كثثثر يبين الي بينكرف والي بيخرب ويتقطع فيه ماركات كثير سعرهها زييين بنسبه لجدوتها
وانتم وذوقكم والخيارات قدامكم كثييير وفيه ماركات زي نيو لوك والدو وهالمحلات شناطهم كمان جيده وتنفع للي يحبون يغيرون كثير ولان حنا سنه تحضيريه فخذيلك شنطة كبيره لانو بيكون عندك ملازم وكتب غير اشيائك الثانيه فااحسن تاخذيلك شنطه كبيره تشيل اغراضك واذا كان فيه كورنر عندكم بالايجار انتبهي تحطين فيه اشيائك المهمه الا لما تتاكدين انو محد رح يقدر يفتحها

اخر شيء ببوست اليوم بنتكلم عن الشوزات اهم شيء تكوون مريحة وما تضايق وتجرح لانك رح تمشين كثييير
خذي رياضية او فلات او مفتوحة الي يريحك اهم شيء تجربيها قبل تاخذيها
انا ناوية ع محل شكتشرز مرررره مريحة وتعجبني كثييير اسعارها من ميتين وفوق وحلو ايام التخفيضات
وسعرها فيهاا مهما تلبسيها والشوزات بذات يبغالك تاخذي حقت كرف عشان تبقى معاك فترة


رح اكمل التدوينة انا شاء الله باقرب وقت وان شاء الله تستفيدوا من البووست
رح انزل الشغلات الي ممكن تحتاجيه من الصيدلية وميك اب الجامعة وايش الاشياء الي تحتاجيها بشنطة الجامعة

فمان الله
INSTAGRAM : RBANZAL