Review : 3 Lipstick colors from Mikyajy ~

السلام عليكم ورحمة الله وبركاته }~

تدوينتي اليوم ريفيو عن ثلاث درجات من أرواج  مكياجي حبيتهم كثيير 

مميزاتها عيوبها ودرجاتها واشياء غيرها رح تكون بهالتدوينة 

بالبدايه قبل لا نمشي بالريفيو بغيت اقلكم 

اني حاولت قد ما اقدر ما اضيف تاثيرات بس لما صورة ونزلت الصور بالابتوب الالوان مو مبينه مثل الحقيقه في اختلاف 

بدرجات فضطريت اني احط هالتأثير عشان يطلعلي بالصور الوان الارواج بضبط 

انا عندي ارواج من ماركات كثيير الغاالي والرخيص

*ما اقصد بالرخيص الي تلاقيه باي مكان او مايكون ماركه معروفه ومضمونه من ناحية مكوناتها وجودتها غلط انك تشتري شيء وانتي ماعندك خلفيه عنه فـ تضري نفسك أكثر مما تفيديها *

فيه ماركات كثيير تعتبر من الدرق ستوور وارواجها جداً جميله وفيه كمان ماركات كبيره وارواجها لا يعلى عليها

بس الفضول وحب التجربه يخليك تجرب اشياء كثير وماركات مختلفه وتستمتعي وإنتي تجربي 

شريت هالارواج وعجبتني قلت نسوي عنها ريفيو

طبعا أنا أخذتها لما كان بالمحل عرض تشتري اثنين والثالث معاه مجاناً 

فاخذت لونين واخر لون احترت فيه لانه غامق وانا حاطه ببالي انو مرح اشتري لون غامق حتى اخلص مراجعات اسناني واسوي تنظيف وابدا استخدم قناع الاسنان لانو اسناني فيها اصفرار شوي فقلي الدكتور نقص الفيتامين دائما يسبب الاصفرار فلما نخلص جلسات اسنانك ونسوي تنظيف للجير استخدمي اي منتج لتبيض الاسنان ورح يصير لونها مثل ماتبغي ونصحني بكذا منتج اطلبهم اون لاين 

ولانو مو حلو تستخدمي روج غامق واسنانك صفر حتى لو كان الاصفرار بسيط الروج الغامق رح يبينه ويخرب شكل إبتسامتك 

فكنت متردده أخذه ولا لا 

الي حمسني أخذ هالون البنت الي بالمحل قالتلي بس نزل هالون اشتروا كثير منه لان درجته مرره

 حلووه وكان أخر حبه منه بالعرض فقلتلها 

 خلاص رح أخذه والصدق اني ما ندمت لانو درجته بطله مع اني للحين ما استخدمته بطلعات

بس متحمسه استخدمه 

الحلو فيهاا انو ثابتها كويس بس من دون اكل وشرب ههههههه 

تجلس فتره بس عيبها انو لازم تكوني مقشره شفايفك ومرطبتها لانو لو مو مقشرتها من فتره وحطيتيها 

رح تقشر معاك والافضل مع كل الارواج انو تكوني مقشره شفايفك لانو اي روج يطلع احلى لو شفايفك مرطبه ومقشره 

انا احب الارواج النيوود ولاحظت اني اغلب الي اشتريهم درجات النيود 

بس بهالمره أخذت واحد نيوود واثنين شطحت فيهم هههههههه 

سويت لكم سواتش ع ورقه بيضاء عشان تشوفوا درجاتها زين 

أول درجه :

من اول حاطه ببالي لون فوشي وكنت ابغى درجه معينه ولما شفت هالدرجه تحمست لها 

تنفع لما يكون الميك اب بسيط وتبغي تبرزي الشفايف فتاخذي لون غريب وجذاب 

طالع فاقع مرره هو بالحقيقه افتح من الصوره بشوي كنت بحطلكم الصوره بدون تاثير 

بس الون ابداً مو واضح طالع كانه نيود مو فوشي 

الدرجه الثانية :

هي درجة النيوود وجداً جميلةة وانا مرره أحبهاا واستخدمها كثيير 

واذا كانت الطلعه بسيطه اطبطب فيه ع شفايفي واحد فوقه قلس ويطلع بططططل 

الدرجة الثالثة :

هيا الدرجة الغامقه هيا عودي ع عنباي مدري كيف بس رح تبان ع الورق ولونها جداً جمميل 

صورة لكم ارقام درجاتهم 

تقدروا تلاقوا نفس الدرجات أكيد بماركات ثانيه 

سعرها \

أنا لما أخذتها الثالثة بسعر إثنين أخذتها بحدود الـ 125 

يعني تقريبا الواحد بستين وشيء 

تقيمي لها وهل برجع إشتري منها \

أقيمها 8\10

وإذا شفت عندهم الوان تجذبني وتحمست أخذها باخذها مو مشكلة 

وبكذا خلصنا الريفيو اليوم وأن شاء الله تستفيدون منه 

اي  تعليق او ملاحظه اواستفسار تقدروا تسالوني بالاسك او بالانستقرام 

فمـــآن الله 

Review : BROW & LINER KIT ~

السلام عليكم ورحمة الله وبركاته ..}~

اول ريفيو اسويه رح يكون عن بودرة الحواجب او الي يسموها بروو لينير كيت من بدي شوب 

أأكيد فيه كثيير نااس وكثير بلوق تكلموا عنها ويعرفوها , انا ان شاء الله مرح اقول شيء مكرر
 بهالريفيو  بقلكم طريقتي , وكيف استخدم هالبودرة , والفرش الي استخدمها لرسم الحواجب , ورح اقلكم رايي فيهاا 

لما اقلكم طريقة يعني طريقتي انا لانو ما اتوقع حد يحوس هالحوسه مثلي ههههههههههههههه

وكل شيء رح يكون بالصوور 

عااد انا اكثر شيء يجذبني بالموضوع الصوور واتوقع فيه زيي كثيير وبما أني مصوره 

استحملوني لاني اقدس التصووير

  ان شاء الله رح تستفيدوا وخلونا نبدآ 

رح نتكلم اول شيء عن البودره ودرجاتها وعن عبوتها بشكل عاآم , جبتلكم صورتها من الموقع وهذي هيا 

نفس علبة البودرة تعجبني ومحكمه يعني تضمنين انو لو تحطيها بشنطة مرح تنفك وتحوس الدنيا وهذا شيء حلوو فيهاا 

نجي عند فرشتها الي تجي معاها بنفس العلبة 

الصدق بالاول ولين الحين ما استخدمها وما ادري وينها دورتلها عشان اصورها بس ما لقيتها 

عشان كذا جبتلكم صورتها من الموقع 

ليه ما استخدمها ؟! لانو بالاول كنت ما اعرف كيف استخدمها ولما عرفت طريقتها كمان ما ارتحت لاني خلاص 

تعودت ع الفرش الي عندي , رح تشوفوا طريقتها باخر الريفيو وانا متاكده الاغلب ما يعرف الحمكة من تصميمها العجيب 

البودره لها ثلاث درجات :

قبل لا اتكلم عن الدرجات وايش يناسب كل وحده :

رح أتكلم عن شيء مرره مهم الي اشوفه بعض الاحيان وهالشيء احسه يشوه شكل الوجه ويخرب جماال الوحده 

وهيا انك ترسمي حواجبك او تصبغيها بلون غير لون شعرك او بعيد عننه مره يعني لون شعرك بوادي وحواجبك بواادي 

وهذا الشيء مرره مو حلو واتنرفز منه يعني أوقات اشوف بنات جميلات واشكالهم تفتح النفس 

بس غلطت ع عمرها ورسمت حواجبهاا ببني فاتح مرره وهيا شعرها اسوود ولا العكس شعرهاا بني 

وترسمها بـ اسوود هذي يطلع شكلها اكس ومرره يخرب شكلها لو انها حاطه اطلق ميك اب يظل عيب كببير 

رح نبدا من اليمين لليسار :

اول درجة : Blonde & Auburn 

 للشقروات يعني الي شعورهم شقراء او فاتحة جداً 

وهاذي ما يستخدمها عندنا بالعاده الا الي صابغه شعرهاا بلون فاتح 

ثاني درجة : Brunette & Brown 

 لشعر البني ودرجاته الفاتحه الي مو قريبه للاسود

ثالث درجة : Brown & black 

لشعر البني الغامق والاسود والالوان الغامقه بشكل عام 

وهذا هوا الي ينشرا  بشكل كبير والاغلب يستخدمه 

وهاآذي صورة البودرة حقتي 

طبعاً أنا اخذ الدرجة الثالثه لانو شعرري ااسود وغامق بعد 

فهاذي الي تنفع مععاي ارسمها بالبني الغاامق الي مايل ع السواااد وتطلع بطله 

Brush 

الفرش الي إستخدمها أنا هيا شكلين 

وحده أحدد فيها ووحده استخدمها لتعبيئة نفس الحاجب بطبطبه < احس مدري وش تبي هالكلمه

الماركات حقت البرررش كثيييير واشكال والوان وفيه الغالي والرخيص 

كان عندي البرش تبع ماكـ وكنت اعشقها لانها مريحه باليد بس مدري وين اختفت 

وعندي حقت بدي شوب وكستال وناويه اخذ مجموعة سقما كلها لما اسافر لاني اغرمت فيهاا 

بس الفرش الي استخدمها الحين ومرتاحه عليها وتعتبر رخيصه ما تتعدى الثلاثين 

فررش H & M 

هذي حقت التحديد :

وهاآذي حقت التعبئة :

الحين رح اقلكم عن طريقتي الخنفشاريه 

بقلكم قصتي بالاول 

أول ما شريت هالبودره كنت متحمسه لها مرره لاني كنت اكره ارسم حواجبي بقلم احس شكلها يطلعها 

كانها ملونه مافيها شعر فكنت حتى بالقلم اطبطب ما ارسم واحنا عائلتنا حواجبنا مرسومه الحمدلله بس فيهاا 

فراغات بالبدايه فلما شفت هالختراع البطل شريته ع طوول 

فلما استخدمته واحنا مع طلعتنا والنقاب وكذا لما وصلت حسيتها انمسحت بالنقاب يعني ما ثبتت 

فقالولي استخدمي المويا معاها , استخدمتها ومشى حالها مع اني ما كنت مقتنعه انها ثبتت لانو مافي فرق كبير لما حطيت مويه 

لين جاء يوم كنت مرره مستعجله وما لقيت قدامي الا المحلول حق العدسات وحطيت منه ورسمت وطلعت 

الي فجأني لما وصلت انو حتى مع النقاب ما راحت بقييت زي مااا هيا 

انا ما اقول انها تنمسح مع النقاب بس تروح شوي وانا ابد ما كنت ابغاها تروح 

ومن يومها وانا ما أستخدم معاها الا محلول العدسات 

وصرت بدال ما اشتري علبه محلول اشتري علبتين  هههههههههههههههه

طريقتي : 

أحد نقطة من المحلول وابلل الفرشه فيه 

ادمج الونين مع بعض اقلل من الاسود وازيد حبتين من البني ويضبط الون الي ابغاه 

وصورت  لكم الخطوات عشان تكون الطريقة أوضح ولا احوسكم بشرحي 

وابدا استخدمهااا بس اهم شيء يكون الحاجبين نفس الون يعني اذا مو متعوده تتدمجي مثلي 

ادمجي كمية بالفراغ الي تنحط فيه الفرشه واستخدميها مره وحده للحاجبين وبس 

بجتلكم رابط موقع ذا بدي شوب 

{    http://www.thebodyshop.com/index.aspx   }

تقدروا تشوفوا كل منتجاهم وعروضهم وتعرفوا الاسعار منها 

وكمان الي حاب يشتري منهم أونلاين أنا صراحه ما جربت ولا أفكر لانو هالمحل منتشررر كثير عندنا 

سعر المنتج : 

أخر مره اخذته بـ 77 ريال 

أخذت علبتين ومدري اذا الحين غيرو سعره 

لانو إي شيء يصير عليه أقبال يزيدون سعره مثل مااك كل شيء صار زايد سعره عن قبل

وبدي شوب فيه أشياء عندهم لاحظت زاد سعرها 

تقيمي لهالمنتج وهل برجع أشتريه :

انا عني ما استخدم برسم حواجبي الا هوا 

ومرتاحه عليه فأعطيه 

10\10 

وأكيد برجع اشتريته وأن شاء الله ما يدبلون سعره

اآخر شيء رح أحطلكم فديو تبع البودره من نفس الشركة منزلينه 

وفي هالفديو رح تشوفوا طريقة إستخدام فرشتهم 

عجبتني كثير الطريقة وتنفع لما تجين تسوين لاحد حواجبه عشان تطلع رسمة الحاجب ع القياسات الصح 

والي أقصده بالقياسات هيا مثل الي بصوره لكل فيس رسمه خاصه فيه وتنرسم بهالطريقة 

مثل الي بصوره ذي 

^ أكتموا الصوت لانو فيه موسيقى 
والي ما طلعلها الفديو تفتح هالرابط 
http://www.youtube.com/watch?v=9drEXmdiM_k

وكذآ نكون خلصنا الريفيو تبع اليووم وأي تقصير السموحه

استمتعت وانا اصور واعدل واكتب وان شاء الله انتوا كمان تستمتعوا 

وأنا شاء الله تستفيدوا وياليت تحمسوني وتعلقون هنا ولا بالانستقرام لانو بس اقرا كلامكم رح 

انبسط واتحمس وأن شاء الله قريب فيه ريفيوا وشغلات جديده وتحمس

الي يبغى يدخل انستقرامي يضغط ع صورته الموجوده له بأعلى الصفحه 

أو يعملي سيرش ورح يلاقيني

وفي أمان الله

Instagram : Rbanzal 

لنجعـَـل أحلآمنا تتــحقـقّ ..

~{ بــسَـم الله الـرحمَن الرحيـِـم 

وهذا اول موضوع لي بالمدونةة
متحمسةة مررره وفرحانةة مررره ما تصدقون قد إيش من الحمااس احس في افكار براسي كثيير واخاف انساها

كل ما جاء ببالي شغله نقزت وكتبتها بورقه ولا باي مكان المهم ما انساها ولا تطييير
ان شاء الله ربي يقدرني وأكون قد هالمسؤليةة وأخلي هالمدونة شيء جميــّـل

زيين خل ندخل بموضوع التدوينة اليووم

كلنا نعرف أنا دخلنا بسنةة جديده وأن شاء الله من هالسنه لسنه الجاآيه والي بعدها وكل سنواتكم تكونوا بخير
وبصحه وعافيةة
واكيــد كل وحده منا عندها احلام وشغلات بحياتها تتمنى تحققها
 الي رح تتخرج هالسنه والي رح تتزوج والي جاييها بيبي والي .... والي....
مافي انساان ما عنده احلام وامنيات الا اذا كان انسان عايش بلا هدف وفارغ من جواته وأن ما أحب هالثنف من الناس

شفت بنات كثيرر مسوين هالحركةة وكل وحده بطريقتها الي تريحها بس الفكره هيا وحده بالاخير 

مع اختلاف المضمون بس اححساسها والمشاعر الي تحسيها جداً جميلةةةة

الي هياا حركة صندوق الأمنيات او لستت الانجازات
طبعاً انا لا صندوق ولا لسته هالشيء الي بصوره هههههههههههههههه
رح اقلكم طريقي او ايش هيا فكرتي عن هالشيء
انا انسانه جداً متفائلةة واحب النااس الي مثلي ممكن اقع في غرام اي شخص اذا كان متفائل وطمووح
وماعنده سلبيه بحياته يحسسني انو الددنيا قافلةة بوجه برضوا ما احب هالصنف من الناااس

يعني فيه نااس يشووف هالحركة سخيفه ومالها دااعي وحركات اطفاال
وانا اشووف انو هالحركه جميلةة وتحمسني وانبسط عليهااا كثيير

خذيلك ورقه وقلم واجلسي مع نفسك بمكان هااادي ومافي اي احد ممكن يزعجك او يقطع عليك افكارك
اكتبي كل شيء تتمنينه وتبغينه اي شيء تبغينه يصير بحياتك اي شيء تتمنيه هالسنه يصير اي شغله تبغين تشتريننها
 واي شيء تبين تصيرينه اي امنييييه واي حلممممم واي طلب تبغين تحصلين عليه
اكتبي كل شيء لا تقولين هالشيء سخيف او هالشيء مافي احد يتمناه او هالشيء مستحيل اقدر اخذه
او هالشيء بعيد عننني , لا اكتبي كل الي بخاطرك  كل شيء بعلم الغيب .
شيلي هالورقه الي كتبتيها وخبيها بمكان , حطيها بصندوق بعلبه باي مكاان
وشيليها بمكان بعيد عنك وعن يد إي احد واستودعي ربك كل شيء تمنيته وكتبتيه بهالورقه
ودائما ادعي انو ربي يحقق أحلامك وكل شيء تتمنينه لانو مافي شيء ع الله صعب
خلي هالورقه لسنه الجايه بنفس هالوقت وأفتحيهااا
اقري كل شيء فيها وشوفي انتي اش حققتي وايش قدرتي تنجزي من هالورقه وايش تمنيتي وجالك
ما اقلكم اكتبوا واستودعوها الله وخلاص لا دائما * لكل مجتهد نصيب *
دائماً تذكري هالورقه وايش كتبتي فيها وااجتهدي
جمممعي واشتري الي تبغين ادرسي زين وصيري الي تبغين تصيرينه سووي الي تمنيتي تسويه
وببداية السنه الجايه افتحي هالورقه وشوفي أنتي اش حققتي وانجزتي .

ما تصدقون احساسكم بهالوقت قد إيش بيكون جممميل وبتفرحوا فرحههه اسالوني أنا 
لو أنك حطيتيها ببالك زي ما نسوي بالعاده مرح تحسي بانجاز لما تحصلي ع شيء او تحققي شيء
لانو شيء ببالك وصار مافي شيء بترجعين له مو زي لما تفتحي هالورقه وتشوفي قد ايش تعبتي وقد ايش حصلتي
وبالاول وبالاخير توكلنا ع الله ودعائنا والتجائنا لربي هو الي رح يحقق أمانيا ويوفقنا بحياتنا وبكل شيء
وإجتهادنا كمان ع قد ما نتعب ع قد مرح نحصل وكل ما شديتي حيلك واخلصتي بكل شيء ع قد مرح يتيسر لك هالشيء
ويكون له طعم وفرحه

وبالاخيــر الله يحقق كل امانيكم ويوفقكم وييسر لكل وحده اجتهدت عشان تحصل الي تبيه 

وخلصنا هالتدوينةة وأن شاء الله تكون أعجبتكم
إي تعليق وإي نقد وإي شيء بخاطركم قلولي هوا هنا بالمدونة او بالانستقرام
والله يحفظ الجميع

وهاآذي صورة الكوآآليس لتصوير هالتدوينه
هههههههههههه لا تضحكوا ع الحوويس وادري كتبت قاف بدال الفاء النووم وعمايله تو انتبه

instagram : rbanzal